Təqdim olunan bütün xidmətlərdən istifadə etmək üçün sistemə daxil olmalısınız
2,1 FAİZ ÇOX SƏNAYE MƏHSULU İSTEHSAL EDİLİB
17 Fevral 2020

Azərbaycanın sənaye müəssisələri və bu sahədə fəaliyyət göstərən fərdi sahibkarlar tərəfindən 2020-ci ilin yanvar ayında 4,2 mlrd. manatlıq və ya 2019-cu ilin müvafiq ayı ilə müqayisədə 2,1% çox sənaye məhsulu istehsal edilib. SİA xəbər verir ki, Dövlət Statistika Komitəsindən verilən məlumata görə, sənayenin qeyri neft-qaz sektorunda məhsul istehsalı 16,6% artıb. Məlumata görə, sənaye məhsulunun 68,4% mədənçıxarma sektorunda, 26,4% emal sektorunda, 4,6% elektrik enerjisi, qaz və buxar istehsalı, bölüşdürülməsi və təchizatı sektorunda, 0,6% isə su təchizatı, tullantıların təmizlənməsi və emalı sektorunda istehsal olunub. Mədənçıxarma sektorunda neft hasilatı 3,8 % azalıb, əmtəəlik qaz hasilatı isə 21,1% artıb. Emal sektorunda kompüter, elektron və optik məhsulların istehsalı 2,2 dəfə, sair nəqliyyat vasitələrinin istehsalı 89,8%, ağacın emalı və ağacdan məmulatların istehsalı 82,8%, avtomobil, qoşqu və yarımqoşquların istehsalı 72,8%, geyim istehsalı 70,1%, hazır metal məmulatlarının istehsalı 63,9%, əczaçılıq məhsullarının istehsalı 60%, mebel istehsalı 53,3%, içkilərin istehsalı 40,8%, kimya sənayesi məhsullarının istehsalı 40,5%, metallurgiya sənayesi məhsullarının istehsalı 38,8%, tikinti materiallarının istehsalı 35,%, maşın və avadanlıqların quraşdırılması və təmiri işləri 30,7%, neft məhsullarının istehsalı 21,3%, rezin və plastik kütlə məmulatlarının istehsalı 3,5%, tütün məmulatlarının istehsalı 1,6%, qida məhsullarının istehsalı 1,1% artmış, toxuculuq sənayesi məhsullarının istehsalı 1,4 faiz, kağız və karton istehsalı 9,1%, poliqrafiya məhsullarının istehsalı 30,3%, elektrik avadanlıqlarının istehsalı 33,3%, maşın və avadanlıqların istehsalı 44%, dəri və dəri məmulatlarının, ayaqqabıların istehsalı 59,7% azalıb Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 6,4%, su təchizatı, tullantıların təmizlənməsi və emalı sektorunda isə 1% artıb.

OXŞAR XƏBƏRLƏR
Partnyorlar